Muqdisho, Soomaaliya | 22-ka Oktoobar 2026
Ex-Wasiir Maxamed Xuseen Ciid ayaa hambalyo iyo bogaadin u diray Hoggaamiyaha cusub ee Dowladda Goboleedka Galmudug, Mudane Liibaan Axmed Xasan, iyo Hoggaamiye Ku-xigeenkiisa, Mudane Cabdiweli Ibraahim Garyare, kaddib doorashadoodii ka dhacday magaalada Dhuusamareeb, xarunta maamulka Galmudug.
Farriintiisa hambalyada, Ex-Wasiir Maxamed Xuseen Ciid ayaa bogaadiyay kalsoonida ay hoggaanka cusub siiyeen xubnaha Golaha Wakiillada Dowladda Goboleedka Galmudug, isaga oo u rajeeyay guul iyo in ay si wanaagsan uga soo baxaan mas’uuliyadda loo igmaday.
Waxa uu muujiyay rajada ah in maamulka cusub uu ka shaqeeyo xoojinta nabadda, xasilloonida siyaasadeed, dib-u-heshiisiinta, wadajirka bulshada iyo horumar waara, isaga oo sidoo kale adkeynaya hay’adaha dowliga ah iyo iskaashiga Dowladda Federaalka iyo dowlad-goboleedyada dalka.
Waxa uu intaas ku daray rajadiisa ah in muddada hoggaanka cusub ay noqoto mid lagu tallaabsado horumar muuqda, lagu ballaariyo fursadaha shacabka Galmudug, laguna xoojiyo dadaallada nabad-dhisidda iyo horumarinta dowladnimada Soomaaliya.
Ugu dambayn, Ex-Wasiir Maxamed Xuseen Ciid ayaa Hoggaamiyaha iyo Hoggaamiye Ku-xigeenka cusub u rajeeyay garasho, guul iyo hoggaan miro-dhal ah, isaga oo Alle uga baryay in uu ku asturo gudashada waajibaadkooda, una fududeeyo u adeegidda shacabka Galmudug iyo guud ahaan ummadda Soomaaliyeed.
Xafiiska Ex-Wasiir Maxamed Xuseen Ciid
