British pro-Palestinian commentator Sami Hamdi speaks during a press conference, after being detained by U.S. immigration authorities for more than two weeks, in London, Britain, November 13, 2025. REUTERS/Isabel Infantes TPX IMAGES OF THE DAY

London — Saxafiga iyo falanqeeyaha siyaasadda Bariga Dhexe ee Britain, Sami Hamdi, ayaa si kulul u cambaareeyay dowladda Mareykanka kadib markii ay hay’adda socdaalka iyo kastamka ee ICE ay xirtay in ka badan laba toddobaad, isagoo ku tilmaamay waxa lagu sameeyay “weerar lagu qaaday xorriyadda muwaadiniinta Mareykanka iyo dadka caalamka oo dhan.”

Hamdi — oo ah aabbe saddex carruur leh kana soo jeeda magaalada London — ayaa la xirey 26-kii Oktoobar isagoo jooga Garoonka San Francisco, hal maalin kadib markii uu khudbad ka jeediyay munaasabadda sanadlaha ah ee CAIR California.

In kasta oo ICE ay sheegtay in Hamdi “ka dhacdey fiisihiisa”, hadana Hamdi iyo qareennadiisa ayaa sheegay in uu watay fiiso sax ah, isla markaana loo bartilmaameedsaday kaddib hadalladiisii uu ku dhaliilayay duullaanka Israel ee Gaza iyo siyaasadda Mareykanka ee dagaalkaasi.

Xiritaan adag iyo eedo ku saabsan aamusinta codadka Muslimiinta

Markii uu maanta ka degay Heathrow, Hamdi wuxuu sheegay inuu la kulmay xaalado aad u liita intii uu ku jiray xabsiyada ICE.

Waxa uu sheegay in:

• Lagu hayay qol ay ku jiraan ku dhawaad 90 maxbuus,
• In uu sugayey in ka badan 8 saacadood si uu u helo daryeel caafimaad,
• In lagu xiray silsilo iyo jeebad inkastoo aan lagu soo oogin dembi.

Hamdi oo la hadlay warbaahinta ayaa yiri:
“Waxay ahayd weerar aan aniga keligay lagu soo qaadin ee waxaa lagu qaaday xorriyadda hadalka ee dadka caadiga ah. Waxaa la isku dayay in la aamusiyo qof runta ka hadlaya.”

CNN ayaa ka dalbatay faallo Wasaaradda Amniga Gudaha ee Mareykanka (DHS).

Muslimiinta iyo taageerayaasha Falastiin oo lagu bartilmaameedsanayo socdaalka Mareykanka

Hamdi wuxuu ka mid yahay falanqeeyayaasha caanka ah ee arrimaha Gaza, heshiisyada xabbad-joojinta, iyo qorshaha maamul ee Gaza kadib dagaalka. Qoyskiisu waxay sheegeen in xarigiisu uu tusaale u yahay siyaasadda cusub ee maamulka Trump ee lagu cadaadinayo dadka ajnabiga ah ee difaaca falastiiniyiinta.

Qoyska Hamdi ayaa bayaan ku yiri:

“18 maalmood ayuu ku jiray qolka ay ku jiraan boqolaal qof. Dhacdadani ma ahayn arrin sharci; waxay ahayd ciqaab uu u muteystay inuu ka hor hadlo xadgudubyada ka dhacaya Gaza.”

Hamdi wuxuu sheegay in xagjiriin taageeraya Trump ay si siyaasadaysan u adeegsadeen cadaadis ay ku xiraan.
Dhinaca kale, firfircooni-daafeedka midigta fog ee Mareykanka Laura Loomer ayaa sheegtay inay cadaadis ku saartay DHS iyo Waaxda Arrimaha Dibadda si loogu xiro Hamdi, iyadoo ku eedeysay inuu taageero u yahay Xamaas — arrin uu si adag u beeniyay.

CAIR ayaa hore Loomer ugu tilmaantay “neceb-Muslimiin xagjir ah.”

Xiritaan iyo fiiso laalidyo la xiriira mowqifyada Gaza oo sii kordhaya

Hamdi ma aha qofkii kaliya ee la kulmay tallaabo noocan ah.

Sanadkan bilowgiisa:

• Arday jaamacadeed oo British–Gambian ah oo lagu magacaabo Momodou Taal ayaa laga joojiyay fiisaha Mareykanka kaddib markii uu ka muuqday mudaaharaadyo taageero u ahaa Falastiin.
• Taal wuxuu ku eedeeyay maamulka Trump inuu si siyaasadaysan u bartilmaameedsaday ardayda iyo dadka ka hadla xasuuqa Gaza.

Hussam Ayloush, Agaasimaha CAIR California, ayaa yiri:
“Xiritaanka saxafi oo lagu soo bandhigo eedo been ah waa xadgudub awood oo argagax leh. Waa digniin haddii aad danaynayso sharciyadda iyo caddaaladda.”

“Anigu ma ihi sheekada—Gaza ayaa sheekada leh”

Hamdi wuxuu ku adkaystay in diiradda la saaro dhibaatada dadka Gaza, halkii laga mashquuli lahaa wixii lagu sameeyay isaga.

Wuxuu yiri:
“Anigu ma ihi sheekada. Sheekadu waa xasuuqa daran ee ka socda Gaza. Waa carruur madaxa laga gooyay, waa haween la qarxiyay, waa dad aan waxba galabsan oo dhibbane u noqday siyaasado aan naxariis lahayn.”

Waxa uu xusay warbixintii guddiga madaxa bannaan ee Qaramada Midoobey ee Sebtembar oo lagu sheegay in Israel ay ku kacday xasuuq ka dhan ah Falastiiniyiinta — eed ay Israel diiday.

Salmurux News