Askartii lagu dilay Ceel-Baraf oo maanta lagu aasay Beledweyne
Wada hadallo dheer kadib waxaa xaley lagu heshiiyey in la aaso 6 askari oo ka tirsan, ciidamadda dowladda federalka oo 10 maalin ka hor lagu diley degmada ceelbaraf.
Aas qaran oo loogu sameeyey duleedka magalada baladweyne, askartii lagu diley degmada ceelbaraf ayaa maanta waxaa ka qeybgaley, Duubabka dhaqanka labada beel, mas’uuliyiin dowladeed oo ey kamid yihiin; Wasiirka Cusub ee Wasaaradda Betroolka, Taliyaha Nabad Sugidda Qaranka, Taliyada Ciidamadda Xoogga Dalka iyo Xillibaano Heer Federal.
Dhacdada dilka askartaasi kadib ayaa waxaa dhacdey in ciidamo ka mid ah taliskii ey ka tirsanaayeen ey iskaga soo baxeen saldhigii ey ku lahaayeen Deegaanka Xawaadley ee gobolka shabeellaha dhexe.
Aaska kadib odeyaasha magaaladda baladweyne ayaa waxey ku amreen ciidamaddii furiimaha soo baneeyey iney dib ugu laabtaan saldhigyadooda isla markaana ey ka howlgalaan goobihii ey dowladda federalka ugu tala gashey.
Dhanka kale maxakamadda ciidamadda qalabka sida ayaa warqad soo qabasho ah u jartey 14 eedeesane oo 2 kamid ey dumar yihiin kuwaas oo lagu eedeeyey iney ka danbeeyeen dilka askarta, isla markaana ka baxsasdey goobta uu falku ka dhacey.
Ciidamadda dowladda ayaa howlgalo ey ka sameeyeen dilka askartaasi kadib degmada ceelbaraf waxa ay ku soo xireen dad faro badan oo uu ku jiro guddoomihii degmada ceelbaraf.
